29 Sep 2016

Հարգելի համաքաղաքացիներ

Խորհրդարանական ընտրությունները, որոնք կայացան մայիսի 6-ին, անցան պատմության գիրկը:
Առիթ ունեցել եմ ասելու, որ այդ ընտրություններում ես չեմ պարտվել, “հաղթել են” ընդամենը պետության վարչական, ուժային, դատախազական, ֆինանսական ռեսուրսները, կատարելության հասցված կեղծիքների եւ անվավերների մեխանիզմը:

Ես ընտրվել եմ, բայց ինձ չեն գրանցել:

Այնուամենայնիվ, ես հիասթափված չեմ: Ավելին, հետընտրական այս շրջանում բազմաթիվ հեռախոսազանգերն ու ինձ հասցեագրված նամակները վստահություն են ներշնչում, որ Հայաստանում արագ ձեվավորվող ազատ եւ արժանապատիվ քաղաքացիների բազմության շնորհիվ մենք ունենալու ենք մեր երազած անվտանգ եւ արդար երկիրը:

Կրկին խոստանում եմ. անկախ ընտրությունների արդյունքներից, հնարավորություններիս չափով, կիսելու եմ ընտրատարածքի բնակիչների հոգսերը եւ միշտ հասանելի եմ լինելու նրանց համար: Ձեզ հուզող հարցերով ինձ կարող եք դիմել saribek.sukiasyan@gmail.com էլեկտրոնային փոստի միջոցով, կամ այցելել մշտապես գործող Սուքիասյանների հանրության հետ կապերի գրասենյակ:

Անկեղծորեն
Սարիբեկ Սուքիասյան

07March
Comments Off

buket-lepestki-listya-2754Սիրելի կանայք

Ընդունեք իմ ջերմ շնորհավորանքները կանանց Միջազգային օրվա կապակցությամբ:

Այսօր բարձրաձայնած բարեմախթանքները  գեղեցկության, երջանկության և առողջության վերաբերյալ թող միշտ լինեն Ձեր կյանքի անբաժանելի մասը:

 

Հարգանքներով Սարիբեկ Սուքիասյան

25December
Comments Off

Միացումից հետո նշանակալից բաժնետերեր կմնան Սուքիասյաններն ու ՎԶԵԲ-ը

11582b5e3ff02901c5f4d9389a6865f6- Պարո՛ն Սուքիասյան, վերջերս տեղեկացանք, որ ավարտվել է ՀԱՅԷԿՈՆՈՄԲԱՆԿ-ի կողմից ԲՏԱ բանկում իրականացվող ֆինանսական եւ իրավական աուդիտը: Ինչպիսի՞ն են արդյունքները, եւ ի՞նչ հետագա քայլեր եք նախատեսում:

- Աուդիտն իսկապես ավարտվել է, ասեմ ավելին՝ մեր բանկերի ղեկավարների միջեւ ստորագրվել է ՀԱՅԷԿՈՆՈՄԲԱՆԿ-ի եւ ԲՏԱ բանկի միացման մտադրությունների հուշագիր: Սա նշանակում է, որ բանկերի միացման հարցը մոտ ժամանակներս կներկայացվի երկու բանկերի բաժնետերերի ժողովների հաստատմանը:

- Իսկ ինչպիսի՞ պատկեր կստեղծվի բանկերի միացումից հետո: Որքա՞ն կկազմի բանկի ընդհանուր կապիտալը, ինչպիսի՞ն կլինի բանկում նշանակալից մասնակցություն ունեցող բաժնետերերի կազմը:

- Ներկա պահին դժվար է հաշվարկել միացման արդյունքում ձեւավորվող կապիտալի չափը եւ կապիտալում բաժնետերերի ունեցած մասնակցությունների համամասնությունները, քանզի դեռեւս հնարավոր չէ ստույգ հաշվարկել, թե միացման պահին որքան կկազմի AEB-ի կապիտալը. դեռ չի ավարտվել մեր բաժնետոմսերի հերթական տեղաբաշխումը: Ակնհայտ է, որ երկու բանկերի միացմանը AEB-ը կմոտենա ավելի կապիտալազինված, իսկ թվերով խոսելուց դեռեւս ձեռնպահ կմնամ այս պահին: Ինչ վերաբերում է բաժնետերերի կազմին, կցանկանայի նշել, որ մենք՝ Սուքիասյան եղբայրներս, նախատեսում ենք միացման գործընթացի ավարտից հետո ձեռք բերել ԲՏԱ-ի ներկայիս բաժնետերերին պատկանող բաժնեմասը: Մեր կողմից ներկայացված գնման առաջարկն արդեն ընդունվել է, գործարքի պայմանները` համաձայնեցվել: Ուստի կարող եմ ասել, որ միացման արդյունքում AEB-ի նշանակալից մասնակցություն ունեցող բաժնետերերի կազմը չի փոփոխվի, եւ նշանակալից մասնակցություն ունեցող բաժնետերեր կշարունակեն մնալ Սուքիասյան եղբայրներն ու Վերակառուցման եւ Զարգացման Եվրոպական Բանկը:

- Մենք տեղեկացանք, որ մոտ օրերս ավարտվում է AEB-ի բաժնետոմսերի հերթական տեղաբաշխումը: Ինչպիսի՞ն են արդյունքները:

- Նախ նշեմ, որ արդեն ակնհայտ է, որ AEB-ի բաժնետերերի քանակը կրկնապատկվել է, եւ ենթադրվում է, որ տեղաբաշխման ավարտին մենք կունենանք 3000-ից ավելի բաժնետեր: Ուրախալի է, որ մեծաթիվ է մի քանի բաժնետոմս ձեռք բերած բաժնետերերի քանակը, ինչը խոսում է հաճախորդների` բանկի նկատմամբ աճող վստահության եւ վերջինիս հետ երկարաժամկետ հեռանկարում համագործակցելու մտադրության մասին: Վստահ եմ, որ մինորիտար բաժնետերերի քանակի ավելացումը պայմանավորված է վերջիններիս մոտ իրենց իրավունքների պաշտպանվածության եւ կառավարմանը մասնակցելու գիտակցմամբ:

- Պարո՛ն Սուքիասյան, ավարտին է մոտենում 2015 թվականը: Բացի նշյալ միացման գործընթացից, ի՞նչ քայլեր ձեռնարկվեցին այս տարվա ընթացքում, որոնք թույլ կտան AEB-ին ապահովել Կենտրոնական բանկի 30 մլրդ. ՀՀ դրամ նորմատիվային կապիտալի պահանջը:

- Ինչպես արդեն նշվեց, այս տարվա ընթացքում իրականացվել է 5 մլրդ. 40 հազար ՀՀ դրամ ընդհանուր ծավալով սովորական բաժնետոմսերի թողարկում, որի տեղաբաշխումը կավարտվի մինչեւ տարեվերջ: Նաեւ մեր` Սուքիասյան եղբայրներիս կողմից տարվա ընթացքում բանկին տրամադրվեց մոտ 10 մլն. ԱՄՆ դոլարի ստորադաս փոխառություն, որը եւս ներառվում է բանկի նորմատիվային կապիտալի հաշվարկի մեջ: Այսպիսով` վստահաբար կարող եմ ասել, որ AEB-ը կհամապատասխանեցնի իր կապիտալը ՀՀ կենտրոնական բանկի պահանջներին սահմանված ժամկետներում:

- Ձեր ընտանիքը պարբերաբար բարեգործական նախաձեռնություններով է հանդես գալիս։ Նախատեսո՞ւմ եք որեւէ նման ծրագիր Ամանորին:

- «Սուքիասյան» բարեգործական հիմնադրամի կողմից պարբերաբար իրականացվում են տարաբնույթ բարեգործական ծրագրեր, այդ թվում` սոցիալական եւ կրթական` հիմնադրամին տարեկան հատկացված բյուջեի շրջանակներում: Արդեն բարի ավանդույթ են դարձել նաեւ ամանորյա բարեգործական ծրագրերը: Այս տարին եւս բացառություն չէ: Թույլ տվեք, սակայն, այսքանով սահմանափակվել, քանզի բարեգործությունը, նախեւառաջ, սրտից բխող ցանկություն է եւ, ըստ իս, բարեգործությունը դադարում է բարեգործություն լինել, երբ այդ մասին բարձրաձայնում ես:

- Պարո՛ն Սուքիասյան, վերջերս տեղեկացանք, որ ավարտվել է ՀԱՅԷԿՈՆՈՄԲԱՆԿ-ի կողմից ԲՏԱ բանկում իրականացվող ֆինանսական եւ իրավական աուդիտը: Ինչպիսի՞ն են արդյունքները, եւ ի՞նչ հետագա քայլեր եք նախատեսում: – Աուդիտն իսկապես ավարտվել է, ասեմ ավելին՝ մեր բանկերի ղեկավարների միջեւ ստորագրվել է ՀԱՅԷԿՈՆՈՄԲԱՆԿ-ի եւ ԲՏԱ բանկի միացման մտադրությունների հուշագիր: Սա նշանակում է, որ բանկերի միացման հարցը մոտ ժամանակներս կներկայացվի երկու բանկերի բաժնետերերի ժողովների հաստատմանը: – Իսկ ինչպիսի՞ պատկեր կստեղծվի բանկերի միացումից հետո: Որքա՞ն կկազմի բանկի ընդհանուր կապիտալը, ինչպիսի՞ն կլինի բանկում նշանակալից մասնակցություն ունեցող բաժնետերերի կազմը: – Ներկա պահին դժվար է հաշվարկել միացման արդյունքում ձեւավորվող կապիտալի չափը եւ կապիտալում բաժնետերերի ունեցած մասնակցությունների համամասնությունները, քանզի դեռեւս հնարավոր չէ ստույգ հաշվարկել, թե միացման պահին որքան կկազմի AEB-ի կապիտալը. դեռ չի ավարտվել մեր բաժնետոմսերի հերթական տեղաբաշխումը: Ակնհայտ է, որ երկու բանկերի միացմանը AEB-ը կմոտենա ավելի կապիտալազինված, իսկ թվերով խոսելուց դեռեւս ձեռնպահ կմնամ այս պահին: Ինչ վերաբերում է բաժնետերերի կազմին, կցանկանայի նշել, որ մենք՝ Սուքիասյան եղբայրներս, նախատեսում ենք միացման գործընթացի ավարտից հետո ձեռք բերել ԲՏԱ-ի ներկայիս բաժնետերերին պատկանող բաժնեմասը: Մեր կողմից ներկայացված գնման առաջարկն արդեն ընդունվել է, գործարքի պայմանները` համաձայնեցվել: Ուստի կարող եմ ասել, որ միացման արդյունքում AEB-ի նշանակալից մասնակցություն ունեցող բաժնետերերի կազմը չի փոփոխվի, եւ նշանակալից մասնակցություն ունեցող բաժնետերեր կշարունակեն մնալ Սուքիասյան եղբայրներն ու Վերակառուցման եւ Զարգացման Եվրոպական Բանկը: – Մենք տեղեկացանք, որ մոտ օրերս ավարտվում է AEB-ի բաժնետոմսերի հերթական տեղաբաշխումը: Ինչպիսի՞ն են արդյունքները: – Նախ նշեմ, որ արդեն ակնհայտ է, որ AEB-ի բաժնետերերի քանակը կրկնապատկվել է, եւ ենթադրվում է, որ տեղաբաշխման ավարտին մենք կունենանք 3000-ից ավելի բաժնետեր: Ուրախալի է, որ մեծաթիվ է մի քանի բաժնետոմս ձեռք բերած բաժնետերերի քանակը, ինչը խոսում է հաճախորդների` բանկի նկատմամբ աճող վստահության եւ վերջինիս հետ երկարաժամկետ հեռանկարում համագործակցելու մտադրության մասին: Վստահ եմ, որ մինորիտար բաժնետերերի քանակի ավելացումը պայմանավորված է վերջիններիս մոտ իրենց իրավունքների պաշտպանվածության եւ կառավարմանը մասնակցելու գիտակցմամբ: – Պարո՛ն Սուքիասյան, ավարտին է մոտենում 2015 թվականը: Բացի նշյալ միացման գործընթացից, ի՞նչ քայլեր ձեռնարկվեցին այս տարվա ընթացքում, որոնք թույլ կտան AEB-ին ապահովել Կենտրոնական բանկի 30 մլրդ. ՀՀ դրամ նորմատիվային կապիտալի պահանջը: – Ինչպես արդեն նշվեց, այս տարվա ընթացքում իրականացվել է 5 մլրդ. 40 հազար ՀՀ դրամ ընդհանուր ծավալով սովորական բաժնետոմսերի թողարկում, որի տեղաբաշխումը կավարտվի մինչեւ տարեվերջ: Նաեւ մեր` Սուքիասյան եղբայրներիս կողմից տարվա ընթացքում բանկին տրամադրվեց մոտ 10 մլն. ԱՄՆ դոլարի ստորադաս փոխառություն, որը եւս ներառվում է բանկի նորմատիվային կապիտալի հաշվարկի մեջ: Այսպիսով` վստահաբար կարող եմ ասել, որ AEB-ը կհամապատասխանեցնի իր կապիտալը ՀՀ կենտրոնական բանկի պահանջներին սահմանված ժամկետներում: – Ձեր ընտանիքը պարբերաբար բարեգործական նախաձեռնություններով է հանդես գալիս։ Նախատեսո՞ւմ եք որեւէ նման ծրագիր Ամանորին: – «Սուքիասյան» բարեգործական հիմնադրամի կողմից պարբերաբար իրականացվում են տարաբնույթ բարեգործական ծրագրեր, այդ թվում` սոցիալական եւ կրթական` հիմնադրամին տարեկան հատկացված բյուջեի շրջանակներում: Արդեն բարի ավանդույթ են դարձել նաեւ ամանորյա բարեգործական ծրագրերը: Այս տարին եւս բացառություն չէ: Թույլ տվեք, սակայն, այսքանով սահմանափակվել, քանզի բարեգործությունը, նախեւառաջ, սրտից բխող ցանկություն է եւ, ըստ իս, բարեգործությունը դադարում է բարեգործություն լինել, երբ այդ մասին բարձրաձայնում ես: Նյութի աղբյուրը ` hraparak.am

24December
Comments Off

????????

Սիրելի Հայրենակիցներ

Նոր Տարվա և Սուրբ ծննդյան տոների կապակցությամբ ցանկանում եմ բոլորիս երջանկություն, հաջողություն և առողջություն:

Թող գալիք տարին բարեկեցություն պարգևի բոլորիս ընտանիքներին և  խաղաղ երկինք մեր հայրենիքին:

Հարգանքներով Սարիբեկ Սուքիասյան

29October
Comments Off

Մեր բոլոր գործողություններն ուղղված են «Հայէկոնոմբանկի» մեծացմանը եւ հզորացմանը

13d4357ca81d222c155182393dd26fafՀարցազրույց «Հայէկոնոմբանկի» խորհրդի նախագահ Սարիբեկ Սուքիասյանի հետ
-Պարոն Սուքիասյան, վերջերս մամուլում հրապարակումներ եղան այն մասին, որ «Հայէկոնոմբանկի» կողմից ֆինանսական եւ իրավական աուդիտ է սկսվել հայաստանյան ԲՏԱ բանկում: Այդպե՞ս է:

- «Հայէկոնոմբանկի» կողմից մոտ օրերս իսկապես սկսվել է հայաստանյան ԲՏԱ բանկի ֆինանսական եւ իրավական աուդիտ, որի հետագա նպատակը երկու բանկերի միացումն է:
- Իսկ ի՞նչ է ակնկալվում հետագայում այդ միացման արդյունքում:
- Ներկա պահին ես չեմ կարող բացահայտել գործարքի մանրամասները. այդ տեղեկատվությունը խիստ կոնֆիդենցիալ բնույթ է կրում: Գործարքի պայմանները, գնահատումը կհստակեցվեն ֆինանսական եւ իրավական աուդիտի ավարտից հետո: Մեր նպատակը «Հայէկոնոմբանկը» հզորացնելն է, հետեւապես, մեր բոլոր գործողություններն ուղղված են լինելու «Հայէկոնոմբանկի» մեծացմանը եւ հզորացմանը:
- Ենթադրում եմ, որ ակնկալվող միացումը նպատակ ունի «Հայէկոնոմբանկի» կապիտալը համապատասխանեցնելու ՀՀ կենտրոնական բանկի կողմից սահմանված եւ 2017թ. հունվարի 1-ից ուժի մեջ մտնող նորմատիվային կապիտալի 30 մլրդ. ՀՀ դրամ նվազագույն մակարդակին:
- Ակնկալվող միացումը, իհարկե, կնպաստի բանկի նորմատիվային կապիտալի մեծացմանը, սակայն, բացի վերոնշյալ միացումից, մենք զուգահեռ կապիտալի համալրում ենք իրականացնում բաժնետոմսերի նոր թողարկումների միջոցով: Մինչեւ այս տարվա դեկտեմբերի վերջը կավարտվի 5 մլրդ. 40 հազ. ՀՀ դրամ ընդհանուր ծավալով բաժնետոմսերի տեղաբաշխումը: Ի դեպ, տեղաբաշխվող բաժնետոմսերը ձեռք են բերվում հասարակության լայն շերտերի կողմից` մեկ բաժնետոմսից մինչեւ մի քանի հազար բաժնետոմս: Այս թողարկման ընթացքն արդեն վկայում է այն մասին, որ մեր բաժնետերերի քանակը կրկնապատկվում եւ եռապատկվում է: Կցանկանայի նշել, որ «Հայէկոնոմբանկի» փոքր բաժնետերերի իրավունքները մշտապես բանկի ղեկավարության ուշադրության կենտրոնում են: Ընդհանրապես, աշխարհում մի կանոն կա` յուրաքանչյուր ոք փորձում է իր խնայողությունները տեղաբաշխել բիզնեսի այն ոլորտում, որտեղ հաջողություն կա: Վստահաբար կարող եմ ասել, որ «Հայէկոնոմբանկում» ներդրում կատարողը հաջողություն կգրանցի:
- Արդյոք Ձեր կողմից դիտարկվո՞ւմ են նաեւ այլ հայկական բանկերի` «Հայէկոնոմբանկի» հետ միացման տարբերակները:
- Մենք միշտ էլ բաց ենք եղել քննարկումների համար եւ միշտ էլ պատրաստ ենք քննարկել փոխշահավետ համագործակցության ցանկացած տարբերակ: Եթե որեւէ հայկական բանկ` արտասահմանյան կամ տեղական կապիտալով, մեր բանկի հետ միացման ցանկություն հայտնի, մենք պատրաստակամությամբ կդիտարկենք այդ առաջարկը: Եթե մեզ հաջողվի նաեւ մեկ այլ փոքր բանկ միացնել մեզ, ապա դա կնպաստի հայկական բանկային համակարգի է՛լ ավելի կայունացմանն ու «մաքրազտմանը», ինչպես նաեւ վերջինիս նկատմամբ վստահության աճին:
- Պարոն Սուքիասյան, չե՞ք կարծում, որ 2017թ. հունվարի 1-ից ուժի մեջ մտնող ՀՀ կենտրոնական բանկի որոշումը, կապված 30 մլրդ. ՀՀ դրամ կապիտալի նվազագույն շեմի հետ, բանկերի միջեւ մրցակցության ուժեղացման պատճառ կհանդիսանա: Ինչպե՞ս է Ձեր բանկը պատրաստվում դիմակայել այդ փորձությանը:
- Շուկայում, իհարկե, կառաջանա ազատ ռեսուրսների ավելցուկ, եւ առավելություն կստանան այն բանկերը, որոնք ավելի էժան ռեսուրսներ ունեն եւ առավել ճիշտ են կառավարում իրենց ակտիվները: Միջազգային դոնոր կազմակերպությունները վստահում են «Հայէկոնոմբանկին»՝ որպես լավ գործընկերոջ, եւ բավականին էժան ռեսուրսներ են տրամադրում: Վստահաբար կարող եմ ասել, որ «Հայէկոնոմբանկի» այսօրվա թիմն ունի այն մասնագիտական փորձը, գիտելիքները, շուկայի իմացությունը եւ թիմային մտածելակերպը, որը թույլ կտա նրան հաջողությամբ առաջ ընթանալ։
Անի ԱՌԱՔԵԼՅԱՆ
Նյութի աղբյուրը ` hraparak.am

07September
Comments Off

IMG_2082ՍԻԼ կոնցեռնը շնորհավորում է ՀԱՅԷԿՈՆՈՄ բանկի խորհրդի նախագահ Սարիբեկ Սուքիասյանին ծննդյան 50-ամյակի կապակցությամբ՝ մաղթելով առողջություն, հաջողություն բոլոր նախաձեռնություններում։ Araratnews.am կայքը եւ «Արարատ» ամսագիրը եւս շնորհավորում են եւ սիրով միանում բարեմաղթանքներին։