26 Mar 2017

Հարգելի համաքաղաքացիներ

Խորհրդարանական ընտրությունները, որոնք կայացան մայիսի 6-ին, անցան պատմության գիրկը:
Առիթ ունեցել եմ ասելու, որ այդ ընտրություններում ես չեմ պարտվել, “հաղթել են” ընդամենը պետության վարչական, ուժային, դատախազական, ֆինանսական ռեսուրսները, կատարելության հասցված կեղծիքների եւ անվավերների մեխանիզմը:

Ես ընտրվել եմ, բայց ինձ չեն գրանցել:

Այնուամենայնիվ, ես հիասթափված չեմ: Ավելին, հետընտրական այս շրջանում բազմաթիվ հեռախոսազանգերն ու ինձ հասցեագրված նամակները վստահություն են ներշնչում, որ Հայաստանում արագ ձեվավորվող ազատ եւ արժանապատիվ քաղաքացիների բազմության շնորհիվ մենք ունենալու ենք մեր երազած անվտանգ եւ արդար երկիրը:

Կրկին խոստանում եմ. անկախ ընտրությունների արդյունքներից, հնարավորություններիս չափով, կիսելու եմ ընտրատարածքի բնակիչների հոգսերը եւ միշտ հասանելի եմ լինելու նրանց համար: Ձեզ հուզող հարցերով ինձ կարող եք դիմել saribek.sukiasyan@gmail.com էլեկտրոնային փոստի միջոցով, կամ այցելել մշտապես գործող Սուքիասյանների հանրության հետ կապերի գրասենյակ:

Անկեղծորեն
Սարիբեկ Սուքիասյան

08March
Comments Off

Սիրելի մեր մայրեր, քույրեր, կանայք եվ աղջիկներ

2Սիրելի մեր մայրեր, քույրեր, կանայք եվ աղջիկներ

Եղեք միշտ առողջ, երջանիկ և գեղեցիկ

Ընդունեք իմ անկեղծ շնորհավորանքները տոնի կապակցությամբ:

Հարգանքներով` Սարիբեկ Սուքիասյան

27December
Comments Off

բացիկ

Հարգելի ընկերներ

Շնորհավորում եմ Ձեր Ամանորն ու Սուրբ ծնունդը

Համոզված եմ, որ Նոր տարում հաղթանակներն ավելի շատ են լինելու, արևը` ավելի վառ, երջանկությունը` լիարժեք, տրամադրությունը` բարձր, իսկ եկամուտները` կայուն:

Հարգանքներով Սարիբեկ Սուքիասյան

29October
Comments Off

Բոլոր այն բանկերը, որոնք կմնան շուկայում, ազատ ռեսուրսների ավելցուկ են ունենալու.

11582b5e3ff02901c5f4d9389a6865f6-Պարո՛ն Սուքիասյան, 2017թ.-ի հունվարի 1-ից ուժի մեջ է մտնում ՀՀ կենտրոնական բանկի որոշումը, որի համաձայն՝ ՀՀ բանկերի նորմատիվային կապիտալի նվազագույն չափը պետք է կազմի 30 մլրդ ՀՀ դրամ: Կբավարարի՞ այդ պահանջը ՀԱՅԷԿՈՆՈՄԲԱՆԿԸ:

-Անշուշտ կբավարարի: Հոկտեմբերի 25-ին ավարտվեց ՀԱՅԷԿՈՆՈՄԲԱՆԿԻ բաժնետոմսերի հերթական տեղաբաշխումը, որի արդյունքները մոտ մեկ ամսից կներկայացվեն Բանկի բաժնետերերի ընդհանուր ժողովի հաստատմանը, ապա՝ ՀՀ կենտրոնական բանկի գրանցմանը: Այս տեղաբաշխման արդյունքում ՀԱՅԷԿՈՆՈՄԲԱՆԿԻ 145 հազար հատ բաժնետոմս է տեղաբաշխվել` յուրաքանյուրը 14.600 ՀՀ դրամ արժեքով։ ՀՀ կենտրոնական բանկի կողմից տեղաբաշխման արդյունքները գրանցելուց հետո ՀԱՅԷԿՈՆՈՄԲԱՆԿԻ նորմատիվային կապիտալը կկազմի մոտ 31 մլրդ ՀՀ դրամ, այսինքն՝ այսօր արդեն կարող ենք ասել, որ ՀԱՅԷԿՈՆՈՄԲԱՆԿԸ համապատասխանեցրել է իր նորմատիվային կապիտալը վերը նշված պահանջին:

-Վերջերս հաճախ դժգոհություններ ենք լսում՝ կապված տրամադրվող վարկերի բարձր տոկոսադրույքների հետ: Հնարավո՞ր եք համարում այդ տոկոսադրույքների իջեցումը:

-Այդպիսի դժգոհություններ նախկինում եւս հնչել են: Մարդիկ սովորություն ունեն համեմատելու ՀՀ-ում եւ, օրինակ, արեւմտյան երկրներում գործող տոկոսադրույքների միջին չափը, իսկ այնտեղ տոկոսադրույքներն ավելի ցածր են: Սա հասկանալի դժգոհություն է, քանի որ հաճախորդների համար ամենագրավիչ պայմանները վարկերի համար կիրառվող ցածր եւ ավանդների համար կիրառվող բարձր տոկոսադրույքներն են: Սակայն ավանդների եւ վարկերի տոկոսադրույքներն ուղիղ համեմատական են միմյանց. եթե բանկերն իջեցնեն վարկերի տոկոսադրույքները, ապա կիջնեն նաեւ ավանդների տոկոսադրույքները:

Կարծում եմ, որ 2017 թ. նոր էջ է բացում ՀՀ բանկային համակարգի պատմության մեջ. հենց առաջիկա տարում է սկսվելու բանկերի միջեւ իրական մրցակցությունը: Բոլոր այն բանկերը, որոնք կմնան շուկայում, ազատ ռեսուրսների ավելցուկ են ունենալու եւ փորձելու են հնարավորինս շատ հաճախորդներ ներգրավել:

Ազատ ռեսուրսների ավելցուկի պայմաններում բնական է, որ կարող են իջնել ավանդների տոկոսադրույքները: Բայց այստեղ պետք է նաեւ հաշվի առնել, որ ՀՀ բանկային համակարգը տարեկան մոտ 150 մլրդ ՀՀ դրամ ավանդի տոկոս է վճարում ավադատուներին: Դա բավականին մեծ գումար է, եւ, ուրեմն, հազարավոր մարդիկ անուղղակիորեն ներգրավված են բիզնեսում, այսինքն` մասնակցում են բիզնեսին, ստանում եկամուտ ներդրված ավանդներից եւ վճարում եկամտահարկ:

 -Պարո՛ն Սուքիասյան, վերջերս մամուլում հրապարակումներ եղան այն մասին, որ ՀՀ կենտրոնական բանկն առեւտրային բանկերին ստիպում է աշխատակիցների կուտակային գումարները վճարել կենսաթոշակային ֆոնդերին: Ճի՞շտ են այդ լուրերը, արդյո՞ք նման խնդրի հետ առնչվել է նաեւ ՀԱՅԷԿՈՆՈՄԲԱՆԿԸ:

-Անհիմն եմ համարում նման հրապարակումները: ՀՀ կենտրոնական բանկը վերահսկողական գործառույթ իրականացնող մարմին է, եւ վստահաբար կարող եմ ասել, որ ՀԱՅԷԿՈՆՈՄԲԱՆԿԻ նկատմամբ երբեւէ հարկադրանք չի եղել այս եւ որեւէ այլ հարցում: Ճիշտ է՝ Բանկն է աշխատավարձ վճարում աշխատակիցներին, սակայն աշխատակիցներն ազատ են իրենց ընտրության մեջ, իրենք են տնօրինում իրենց կուտակումները, իսկ Բանկը պարզապես հանդես է գալիս որպես նրանց գործակալ հարկերի գծով:

 -Թեպետ 2016թ. դեռ չի ավարտվել, սակայն շատերը նշում են, որ 2016թ. բավականին դժվար տարի էր ՀՀ բանկային համակարգի համար: Ինչպիսի՞ն էր ՀԱՅԷԿՈՆՈՄԲԱՆԿԻ համար այս տարին:

-Փորձելով ամփոփել տարին` կարող եմ ասել, որ մենք բավականին ուժ եւ եռանդ ներդրեցինք այս տարվա ընթացքում: ՀԱՅԷԿՈՆՈՄԲԱՆԿՆ այսօր շատ է խոշորացել, ներկայումս ունենք 47 մասնաճյուղ, մինչդեռ տարվա սկզբին մասնաճյուղերի թիվը 40 էր: Աճ ենք արձանագրել բոլոր ցուցանիշներով, գործընկերական շրջանակը զգալիորեն մեծացել է:

2016թ.-ին բանկի կապիտալն աճեց բաժնետոմսերի տեղաբաշխումների, միացման եւ մեր ընտանիքի կողմից կատարված ներդրումների հաշվին, ինչի շնորհիվ կարողացանք ապահովել ՀՀ կենտրոնական բանկի 30 մլրդ ՀՀ դրամ նորմատիվային կապիտալի պահանջը:

-Եվ վերջին հարցը. ինչպե՞ս է ընթանում ՀԱՅԷԿՈՆՈՄԲԱՆԿԻ եւ միջազգային կառույցների համագործակցությունը:

-Բանկն, ինչպես միշտ, շարունակում է սերտորեն համագործակցել իր վաղեմի գործընկեր եւ բաժնետեր Վերակառուցման եւ Զարգացման Եվրոպական Բանկի հետ: 2016թ.-ի ընթացքում Բանկը 34 մլն ԱՄՆ դոլար է ներգրավել արտասահմանյան ֆոնդերից` Symbiotics S.A., BlueOrchard Finance S.A, Incofin Investment Management, որից 24 մլն. ԱՄՆ դոլարն ուղղվել է փոքր եւ միջին ձեռնարկությունների զարգացմանը: Նաեւ ավելի քան 1,7 մլրդ ՀՀ դրամի ներգրավումներ են կատարվել ՀՀ կենտրոնական բանկի ծրագրով` KfW բանկի՝ Գերմանա-հայկական հիմնադրամի կողմից կառավարվող միջոցներից եւ այլ աղբյուրներից, որի հիմնական մասն ուղղվել է միկրո, փոքր ու միջին ձեռնարկությունների զարգացմանը:

Ներկայումս շարունակվում են բանակցությունները նաեւ նոր ներգրավումների ուղղությամբ, ուստի հուսով եմ, որ մինչեւ տարվա վերջ ներգրավված միջոցների ծավալը եւս կաճի:

ՀԱՅԷԿՈՆՈՄԲԱՆԿԸ միշտ մնում է կայուն զարգացող բանկ, միշտ նոր գրավիչ առաջարկներով է հանդես գալիս իր հաճախորդների համար, եւ մեր շահերը միշտ համընկնում են:

07March
Comments Off

buket-lepestki-listya-2754Սիրելի կանայք

Ընդունեք իմ ջերմ շնորհավորանքները կանանց Միջազգային օրվա կապակցությամբ:

Այսօր բարձրաձայնած բարեմախթանքները  գեղեցկության, երջանկության և առողջության վերաբերյալ թող միշտ լինեն Ձեր կյանքի անբաժանելի մասը:

 

Հարգանքներով Սարիբեկ Սուքիասյան

25December
Comments Off

Միացումից հետո նշանակալից բաժնետերեր կմնան Սուքիասյաններն ու ՎԶԵԲ-ը

11582b5e3ff02901c5f4d9389a6865f6- Պարո՛ն Սուքիասյան, վերջերս տեղեկացանք, որ ավարտվել է ՀԱՅԷԿՈՆՈՄԲԱՆԿ-ի կողմից ԲՏԱ բանկում իրականացվող ֆինանսական եւ իրավական աուդիտը: Ինչպիսի՞ն են արդյունքները, եւ ի՞նչ հետագա քայլեր եք նախատեսում:

- Աուդիտն իսկապես ավարտվել է, ասեմ ավելին՝ մեր բանկերի ղեկավարների միջեւ ստորագրվել է ՀԱՅԷԿՈՆՈՄԲԱՆԿ-ի եւ ԲՏԱ բանկի միացման մտադրությունների հուշագիր: Սա նշանակում է, որ բանկերի միացման հարցը մոտ ժամանակներս կներկայացվի երկու բանկերի բաժնետերերի ժողովների հաստատմանը:

- Իսկ ինչպիսի՞ պատկեր կստեղծվի բանկերի միացումից հետո: Որքա՞ն կկազմի բանկի ընդհանուր կապիտալը, ինչպիսի՞ն կլինի բանկում նշանակալից մասնակցություն ունեցող բաժնետերերի կազմը:

- Ներկա պահին դժվար է հաշվարկել միացման արդյունքում ձեւավորվող կապիտալի չափը եւ կապիտալում բաժնետերերի ունեցած մասնակցությունների համամասնությունները, քանզի դեռեւս հնարավոր չէ ստույգ հաշվարկել, թե միացման պահին որքան կկազմի AEB-ի կապիտալը. դեռ չի ավարտվել մեր բաժնետոմսերի հերթական տեղաբաշխումը: Ակնհայտ է, որ երկու բանկերի միացմանը AEB-ը կմոտենա ավելի կապիտալազինված, իսկ թվերով խոսելուց դեռեւս ձեռնպահ կմնամ այս պահին: Ինչ վերաբերում է բաժնետերերի կազմին, կցանկանայի նշել, որ մենք՝ Սուքիասյան եղբայրներս, նախատեսում ենք միացման գործընթացի ավարտից հետո ձեռք բերել ԲՏԱ-ի ներկայիս բաժնետերերին պատկանող բաժնեմասը: Մեր կողմից ներկայացված գնման առաջարկն արդեն ընդունվել է, գործարքի պայմանները` համաձայնեցվել: Ուստի կարող եմ ասել, որ միացման արդյունքում AEB-ի նշանակալից մասնակցություն ունեցող բաժնետերերի կազմը չի փոփոխվի, եւ նշանակալից մասնակցություն ունեցող բաժնետերեր կշարունակեն մնալ Սուքիասյան եղբայրներն ու Վերակառուցման եւ Զարգացման Եվրոպական Բանկը:

- Մենք տեղեկացանք, որ մոտ օրերս ավարտվում է AEB-ի բաժնետոմսերի հերթական տեղաբաշխումը: Ինչպիսի՞ն են արդյունքները:

- Նախ նշեմ, որ արդեն ակնհայտ է, որ AEB-ի բաժնետերերի քանակը կրկնապատկվել է, եւ ենթադրվում է, որ տեղաբաշխման ավարտին մենք կունենանք 3000-ից ավելի բաժնետեր: Ուրախալի է, որ մեծաթիվ է մի քանի բաժնետոմս ձեռք բերած բաժնետերերի քանակը, ինչը խոսում է հաճախորդների` բանկի նկատմամբ աճող վստահության եւ վերջինիս հետ երկարաժամկետ հեռանկարում համագործակցելու մտադրության մասին: Վստահ եմ, որ մինորիտար բաժնետերերի քանակի ավելացումը պայմանավորված է վերջիններիս մոտ իրենց իրավունքների պաշտպանվածության եւ կառավարմանը մասնակցելու գիտակցմամբ:

- Պարո՛ն Սուքիասյան, ավարտին է մոտենում 2015 թվականը: Բացի նշյալ միացման գործընթացից, ի՞նչ քայլեր ձեռնարկվեցին այս տարվա ընթացքում, որոնք թույլ կտան AEB-ին ապահովել Կենտրոնական բանկի 30 մլրդ. ՀՀ դրամ նորմատիվային կապիտալի պահանջը:

- Ինչպես արդեն նշվեց, այս տարվա ընթացքում իրականացվել է 5 մլրդ. 40 հազար ՀՀ դրամ ընդհանուր ծավալով սովորական բաժնետոմսերի թողարկում, որի տեղաբաշխումը կավարտվի մինչեւ տարեվերջ: Նաեւ մեր` Սուքիասյան եղբայրներիս կողմից տարվա ընթացքում բանկին տրամադրվեց մոտ 10 մլն. ԱՄՆ դոլարի ստորադաս փոխառություն, որը եւս ներառվում է բանկի նորմատիվային կապիտալի հաշվարկի մեջ: Այսպիսով` վստահաբար կարող եմ ասել, որ AEB-ը կհամապատասխանեցնի իր կապիտալը ՀՀ կենտրոնական բանկի պահանջներին սահմանված ժամկետներում:

- Ձեր ընտանիքը պարբերաբար բարեգործական նախաձեռնություններով է հանդես գալիս։ Նախատեսո՞ւմ եք որեւէ նման ծրագիր Ամանորին:

- «Սուքիասյան» բարեգործական հիմնադրամի կողմից պարբերաբար իրականացվում են տարաբնույթ բարեգործական ծրագրեր, այդ թվում` սոցիալական եւ կրթական` հիմնադրամին տարեկան հատկացված բյուջեի շրջանակներում: Արդեն բարի ավանդույթ են դարձել նաեւ ամանորյա բարեգործական ծրագրերը: Այս տարին եւս բացառություն չէ: Թույլ տվեք, սակայն, այսքանով սահմանափակվել, քանզի բարեգործությունը, նախեւառաջ, սրտից բխող ցանկություն է եւ, ըստ իս, բարեգործությունը դադարում է բարեգործություն լինել, երբ այդ մասին բարձրաձայնում ես:

- Պարո՛ն Սուքիասյան, վերջերս տեղեկացանք, որ ավարտվել է ՀԱՅԷԿՈՆՈՄԲԱՆԿ-ի կողմից ԲՏԱ բանկում իրականացվող ֆինանսական եւ իրավական աուդիտը: Ինչպիսի՞ն են արդյունքները, եւ ի՞նչ հետագա քայլեր եք նախատեսում: – Աուդիտն իսկապես ավարտվել է, ասեմ ավելին՝ մեր բանկերի ղեկավարների միջեւ ստորագրվել է ՀԱՅԷԿՈՆՈՄԲԱՆԿ-ի եւ ԲՏԱ բանկի միացման մտադրությունների հուշագիր: Սա նշանակում է, որ բանկերի միացման հարցը մոտ ժամանակներս կներկայացվի երկու բանկերի բաժնետերերի ժողովների հաստատմանը: – Իսկ ինչպիսի՞ պատկեր կստեղծվի բանկերի միացումից հետո: Որքա՞ն կկազմի բանկի ընդհանուր կապիտալը, ինչպիսի՞ն կլինի բանկում նշանակալից մասնակցություն ունեցող բաժնետերերի կազմը: – Ներկա պահին դժվար է հաշվարկել միացման արդյունքում ձեւավորվող կապիտալի չափը եւ կապիտալում բաժնետերերի ունեցած մասնակցությունների համամասնությունները, քանզի դեռեւս հնարավոր չէ ստույգ հաշվարկել, թե միացման պահին որքան կկազմի AEB-ի կապիտալը. դեռ չի ավարտվել մեր բաժնետոմսերի հերթական տեղաբաշխումը: Ակնհայտ է, որ երկու բանկերի միացմանը AEB-ը կմոտենա ավելի կապիտալազինված, իսկ թվերով խոսելուց դեռեւս ձեռնպահ կմնամ այս պահին: Ինչ վերաբերում է բաժնետերերի կազմին, կցանկանայի նշել, որ մենք՝ Սուքիասյան եղբայրներս, նախատեսում ենք միացման գործընթացի ավարտից հետո ձեռք բերել ԲՏԱ-ի ներկայիս բաժնետերերին պատկանող բաժնեմասը: Մեր կողմից ներկայացված գնման առաջարկն արդեն ընդունվել է, գործարքի պայմանները` համաձայնեցվել: Ուստի կարող եմ ասել, որ միացման արդյունքում AEB-ի նշանակալից մասնակցություն ունեցող բաժնետերերի կազմը չի փոփոխվի, եւ նշանակալից մասնակցություն ունեցող բաժնետերեր կշարունակեն մնալ Սուքիասյան եղբայրներն ու Վերակառուցման եւ Զարգացման Եվրոպական Բանկը: – Մենք տեղեկացանք, որ մոտ օրերս ավարտվում է AEB-ի բաժնետոմսերի հերթական տեղաբաշխումը: Ինչպիսի՞ն են արդյունքները: – Նախ նշեմ, որ արդեն ակնհայտ է, որ AEB-ի բաժնետերերի քանակը կրկնապատկվել է, եւ ենթադրվում է, որ տեղաբաշխման ավարտին մենք կունենանք 3000-ից ավելի բաժնետեր: Ուրախալի է, որ մեծաթիվ է մի քանի բաժնետոմս ձեռք բերած բաժնետերերի քանակը, ինչը խոսում է հաճախորդների` բանկի նկատմամբ աճող վստահության եւ վերջինիս հետ երկարաժամկետ հեռանկարում համագործակցելու մտադրության մասին: Վստահ եմ, որ մինորիտար բաժնետերերի քանակի ավելացումը պայմանավորված է վերջիններիս մոտ իրենց իրավունքների պաշտպանվածության եւ կառավարմանը մասնակցելու գիտակցմամբ: – Պարո՛ն Սուքիասյան, ավարտին է մոտենում 2015 թվականը: Բացի նշյալ միացման գործընթացից, ի՞նչ քայլեր ձեռնարկվեցին այս տարվա ընթացքում, որոնք թույլ կտան AEB-ին ապահովել Կենտրոնական բանկի 30 մլրդ. ՀՀ դրամ նորմատիվային կապիտալի պահանջը: – Ինչպես արդեն նշվեց, այս տարվա ընթացքում իրականացվել է 5 մլրդ. 40 հազար ՀՀ դրամ ընդհանուր ծավալով սովորական բաժնետոմսերի թողարկում, որի տեղաբաշխումը կավարտվի մինչեւ տարեվերջ: Նաեւ մեր` Սուքիասյան եղբայրներիս կողմից տարվա ընթացքում բանկին տրամադրվեց մոտ 10 մլն. ԱՄՆ դոլարի ստորադաս փոխառություն, որը եւս ներառվում է բանկի նորմատիվային կապիտալի հաշվարկի մեջ: Այսպիսով` վստահաբար կարող եմ ասել, որ AEB-ը կհամապատասխանեցնի իր կապիտալը ՀՀ կենտրոնական բանկի պահանջներին սահմանված ժամկետներում: – Ձեր ընտանիքը պարբերաբար բարեգործական նախաձեռնություններով է հանդես գալիս։ Նախատեսո՞ւմ եք որեւէ նման ծրագիր Ամանորին: – «Սուքիասյան» բարեգործական հիմնադրամի կողմից պարբերաբար իրականացվում են տարաբնույթ բարեգործական ծրագրեր, այդ թվում` սոցիալական եւ կրթական` հիմնադրամին տարեկան հատկացված բյուջեի շրջանակներում: Արդեն բարի ավանդույթ են դարձել նաեւ ամանորյա բարեգործական ծրագրերը: Այս տարին եւս բացառություն չէ: Թույլ տվեք, սակայն, այսքանով սահմանափակվել, քանզի բարեգործությունը, նախեւառաջ, սրտից բխող ցանկություն է եւ, ըստ իս, բարեգործությունը դադարում է բարեգործություն լինել, երբ այդ մասին բարձրաձայնում ես: Նյութի աղբյուրը ` hraparak.am